2017 жылдың 8-25 шілде аралығында той жасап жатқан жандарды 31 арна «Келіндер бәйгесі» бағдарламасына түсуге шақырады. Арна тілшілері Өскемен қаласына келіп, Шығыс өңірінің салт-дәстүрімен таныспақ ниетте. Бағдарламада ең көп ұпай жинаған жас жұбайларға Түркияға демалып келуге жолдама беріледі, деп хабарлайды Бұқара.кз сайтының тілшісі Өскемен қалалық әкімдігінің «Вконтакте» әлеуметтік желісіндегі парақшасына сілтеме жасап.

– Атына затына сай, бағдарламамызға қатысатын келіндер бір-бірінің тойына барып қатысып, ұпай беруі тиіс. Кім ұпайды көп жинайды, соған 31 арна Түркияға жолдама ұсынады. Қатысыңыз, қапы қалмаңыз! Бізбен өткізген әр күн сіздің есіңізде мәңгі қалады деген ойдамыз! – делінген хабарламада.

Барлық сұрақтар бойынша жауапты 87714068976 / 87021508317 нөміріне хабарласу арқылы біле аласыз.

Фотосурет: Anabol.kz