Әкелінген қоғамдық көліктер дүйсенбіден бастап қолданысқа берілмек, деп хабарлайды Buqara.kz сайтының тілшісі. 

Қала әкімдігінің мәліметінше, барлық автобус қалалық тасымалдаушыларға жеткізілді. Оның бесеуі – Семейде, қалған 20-сы Қарағандыда шығарылған. 
– Жаңа автобустар көлік кузовінің икемді қозғалуына арналған құрылғымен жабдықталып, мүгедектерге арналған механикалық пандус қойылған. Ал жүргізушілер үшін орындықта массаж функциясы бар. Сондай-ақ желдету жүйесі орнатылған.
Жалпы алғанда, қалалық автобус паркінің 80 пайызы жаңартылды, жыл аяғына дейін тағы 20 автобус пен 10 газель сатып алынуы тиіс, – делінген мәліметте.
2025 жылдың соңына дейін автопаркті толықтай жаңарту жоспарлануда. 
– Тұрғындар қоғамдық көлікте өздерін жайлы сезініп, діттеген жеріне уақтылы жетсе дейміз. Жаңа автобустар – қаламыздың дамуының басты көрсеткіші, – деді қала әкімі Жақсылық Омар.