Ресей Федерациясында ұрланған автокөлік өңір аумағында анықталды, деп хабарлайды Buqara.kz сайтының тілшісі.
Риддер қаласында «Қауіпсіз жол» жедел-алдын алу шарасын (ЖЕА) өткізу барысында 27 жастағы жүргізушінің басқаруындағы автокөлік тоқтатылды.
- Тексеру барысында аталған көлік Ресей Федерациясының Челябинск облысы Магнитогорск қаласында ұрланған есебінде тұрғаны анықталды. Қазіргі уақытта көлік арнайы тұраққа қойылып, материалдарды Ресей Федерациясына жолдау үшін алғашқы шаралар жүргізілуде, - делінген ШҚО Полиция департаменті таратқан мәліметте.
