Риддер қалалық «Дінмұхаммед Қонаев» мешіті мұқтаж отбасыларға қайырымдылық көмегін көрсетті, деп хабарлайды Бұқара.кз сайтының тілшісі. 

Риддер қалалық мешіті жағдайы төмен 30 отбасыға тегін азық-түлік таратты.

— Біз ай көлемінде мешіт тарапынан үнемі қайырымдылық шарасын жасап келеміз. Қала бойынша көмекке мұқтаж отбасылардың картасын жасаған болатынбыз. Сол бойынша ең көмекке зәру отбасыларды тұрақты түрде назарда ұстап, әртүрлі жәрдем жасаудамыз. Шара алдағы уақытта да жалғасын таба беретін болады, деп атап өтті Риддер қалалық «Дінмұхаммед Қонаев» атындағы мешіттің бас имамы Мұратжан Исмайлов.

Көмекке қамтылған отбасылар қалалық мешітке алғыстарын білдіріп, үнемі қолдау көріп келе жатқандықтарын айтты.