Әуезов полиция бөлімінің кезекші бөліміне Семей қаласы тұрғынынан жылқы жоғалу фактісі бойынша қоңырау түскен, деп хабарлайды Buqara.kz сайтының тілшісі.

Белгілі болғандай, Семей тұрғыны «Алматы- Семей» тас жолы бойында орналасқан еркін жайылымнан жоғалып кеткен 14 бас жылқы жоғалғанына шағымданып, көмек сұраған. Аталған факті бойынша қылмыстық іс қозғалды.

- Жоғалған айғыр мен 3-4 жастағы 14 бас бие мен байтал еркін жайылымнан табылды. Жылқышы жоғалған малды өз бетімен іздегенімен, одан нәтиже болмаған. Әрбір қылқұйрықты 400 000 теңгеге бағаланып, жалпы шығын 5 600 000 теңгені құрады,- деді ШҚО ПД бастығы Сағат Мадиев.

Жоғалған мал 5 тәулік ішінде Көкентау ауылдық округі аумағынан, яғни мал жоғалған жерден 60 шақырым қашықтықта табылып, иесіне қайтарылды.