Семейде қазақтан шыққан тұңғыш Олимпиада чемпионы Жақсылық Үшкемпіровтің жүлдесіне грек-рим күресінен жастар арасында халықаралық жарыс өтеді, деп хабарлайды Buqara.kz сайтының тілшісі.
Ұйымдастырушылардың айтуынша, аталмыш дода Шығыс топырағында ауқымды деңгейде алғаш рет қолға алынғалы отыр. Бозкілем бәсекесіне өңір палуандарынан бөлек, Ресей, Қырғызстан, Өзбекстан, Тәжікстан сынды елдерден, сондай-ақ еліміздің түкпір-түкпірінен спортшылар келеді деп күтілуде. Спорт мамандарының айтуынша, турнирде елішілік додаларда  олжа салып жүрген палуандардан бөлек, құрлықтық, халықаралық бәсекелерде жүлде алып жүрген тәжірибелі спортшылар да келмек. Сайыс наурыз айының 6-8 аралығында өтеді. Салтанатты ашылуы наурыздың 7-і күні сағат 16:00-де.