Жылдың үздік палуандарын марапаттау кезінде кезекті аталым бойынша топ жару семейлік грек-рим күресінің шебері Асаухат Мұхамадиевке бұйырды, деп хабарлайды Buqara.kz сайтының тілшісі.

Қазір Қажымұқан атындағы республикалық спорт колледжінде жаттығып жүрген жерлесіміз үстіміздегі жылы үздік нәтижелер көрсеткені рас. Жылдағы жеткен жетістігін саралай келе спорт мамандары жастар арасында «Жылдың үздік палуаны» аталымына лайық көрді.

Асаухаттың жастар арасындағы Азия чемпионатынан бастап, халықаралық турнирде топ жаруы тұрақты нәтиже екендігі сөзсіз. Kaz_wrestling_mode дерегінше, семейлік спортшы биыл жастар арасындағы Азия чемпионы, 2018-2019 жылғы ел чемпионы, Түркияда өткен «The Champions» турнирінің күміс жүлдегері және Жақсылық Үшкемпіров атындағы халықаралық турнирінің жеңімпазы.

Әділхан ЕСІМХАНОВ