Бүгін Германияның Дюссельдорф қаласында Grand Slam Dusseldorf халықаралық турнирі басталады. Алғашқы айналымда жерлестемірізге кімдердің қарсылас атанғандығы белгілі болды, деп хабарлайды Buqara.kz сайтының тілшісі.

Бұл жолы ұлттық құрама сапында үш жерлесіміз жүлделі орындар үшін жарыс жолына шығады. Үржарлық Ерлан Серікжанов (66 келі), Мадияр Сембаев (73 келі) және Анна Казюлина (52 келі). Осыған дейін 100 келіден жоғары салмақта татамиге көтерілген семейлік Ерасыл Қажыбаев бұл жолы тізімге ілінбеді.

Сонымен соқыр жеребе Ерлан Серікжановты алғашқы айналымда IJF босқындар командасының мүшесі Зиад Аюнмен, Анна Казюлинаны Бриллит Гамарра Гарбахальмен (Перу) жолықтырды. Бүгін әйелдер – 48, 52, 57 келі, ерлер – 60 және 66 келі салмақта үздіктерді анықтамақ.

Әділхан ЕСІМХАНОВ