Әкімдікте өткен жиналыс барысында Ермек Көшербаев Өскеменде көше кезіп жүрген иттердің саны артқанын атап өтті, деп хабарлайды Buqara.kz сайтының тілшісі.

- Қаңғыбас иттер туралы айтатын болсақ, бұл шынымен де қазіргі Қазақстанның дерті», - дейді аймақ басшысы. - Олардың адамдарға шабуыл жасау фактілері елдегі барлық өңір бойынша тіркелуде.

Оның айтуынша, аталған мәселе коммуналдық қызмет сапасының кемшігілінен өршіп тұр. 

- Иттер көбінесе қоқыс тастайын жерлерде жиналады. Ал тұрмыстық қалдық уақытылы  шығарылмайды, жәшіктердің беті жабылмайды. Тұрғындар жәшікке қоқыс төксе, иттер мұны тамақтарына шабуыл деп қабылдап, азуын көрсетеді,- дейді Ермек Беделбайұлы.

Ол бұл мәселеге жүйелі түрде қарау керек екенін айтты. Қажет болған жағдайда иттерді аулауды қолға алу керек. 

«Бірақ, қаңғыған иттерді аулау балалардың көзінше болмауы тиіс», - дейді өңір басшысы.