Шығыс Қазақстан облыстық «Халифа Алтай мешітіне жаңа кілем төселді, деп хабарлайды Бұқара.кз сайтының тілшісі.

— Біз жамағаттың жайлы құлшылық жасауына арнап мешітіміздің жайнамаз кілемдерін ауыстырып отырмыз. Бұл игі іс көптен жоспарланған шаруа болатын. Ұлық мереке Құрбан айттың алдында осы жұмыс жасалып жатыр. Жаңа кілем жамағаттың көңілінен шығады деп ойлаймыз, — дейді ҚМДБ Өскемен аймағының өкіл имамы Ермек қажы Тасболатұлы.

Жаңа кілем төселген мешіт іші бұрынғысынан да жарқырап, жайнап кетті.

Кілем төсеу шарасына мешіт жамағаттары мен шәкірттер, қызметкерлер шын ниеттерімен атсалысты.