Шығыс Қазақстан облыстық «Халифа Алтай» мешітінің кіре берісі мен баспалдақтарына, сыртқы алаңдарына күрделі жөндеу жасалып жатыр. Жауын мен қар суынан тоза бастаған баспалдақтарды жаңартып, су ағатын құбырлары қайтадан қойылуда, деп хабарлайды Бұқара.кз сайтының тілшісі.
— Мешіттің алдыңғы баспалдақ бөлігі тозып, қар мен жаңбыр суының салдарынан астынғы қабатындағы көлік тұрағының үстінен су ағып, келушілерге қолайсыздықтар туғызып келген болатын. Осы келеңсіздіктерді арылту мақсатында мешітте 1 айдан бері күрделі жөндеу жұмыстары жүріліп жатыр. Жұмыс сапасы жіті бақылануда, — деп атап өтті, мешіттің жөндеу жұмыстарын бақылаушы қызметкер.
Мердігер суық түспей жөндеу шаралары толықтай аяқталады деп жоспарлап отыр.
