Өскемен мен Семейде теориялық құқық емтиханын тапсыру кезінде мамандандырылған ХҚКО-да биометриялық жүйе пайдаланылмақ, деп хабарлайды Buqara.kz сайтының тілшісі.

«Азаматтарға арналған үкімет» мемлекеттік корпорациясының ШҚО бойынша филиалы директорының орынбасары Руслан Кибкенің сөзінше, енді Өскемен және Семей мамандандырылған ХҚО-тарында жүргізуші куәлігін алу үшін теориялық емтихан тапсыру кезінде биометриялық жүйе пайдаланылатын болады.

- Яғни, адам беп-әлпеті танылатын болады. Бұл қандай да бір алаяқтық әрекеттердің алдын алуға және сыбайлас жемқорлық тәуекелдерін төмендетуге мүмкіндік береді, - деді ол.

Биометрия - бұл бір немесе бірнеше физикалық белгілері бар адамдарды тану жүйесі. Теориялық емтихан басталғанға дейін үміткер жеке басын сәйкестендіруден өтеді, онда оның фотосуреті жеке куәліктегі фотосуретпен салыстырылады.

- Емтихан тапсыру кезеңінде жүйе тағы бірнеше рет тексеру үшін автоматты сәйкестендіруді жүргізеді. Мұның бәрі емтиханды тапсырудың барлық процесін бақылауға мүмкіндік береді, мұнда үшінші тұлғалардың емтихан тапсыруға бірыңғай мүмкіндігі жоқ, - деп толықтырды ведомстводан.

Жүргізуші куәлігін алу үшін үміткер екі емтихан тапсыруы керек: теориялық және практикалық. Теориялық 40 сұрақтан тұрады; оны тапсыру үшін кем дегенде 32 дұрыс болу қажет.

- Практикалық емтихан автодромда 12 тапсырмадан тұрады. Әркімнің емтиханды 3 ретке дейін тапсыруға мүмкіндігі бар: егер үш әрекеттен емтихан тапсыра алмаса, келесі жолы сіз соңғы емтихан күнінен бастап 6 айдан кейін тапсыруға келе аласыз, - деді ХҚКО қызметкерлері.

Айта кетейік, жыл басынан бері 932 адам алғаш рет жүргізуші куәлігін алды.