Облыстық Достық үйінде болған шараға 12 діни конфессия мен этномәдениеттік топтардың өкілдері, шығармашылық топтар, еңбек ардагерлері облыстық басқарма басшылары қатысты, деп хабарлайды Бұқара.кз сайтының тілшісі.

Келушілерге алдымен өзгеше көрме ұйымдастырылды. Онда сирек кездесетін қасиетті кітаптар, қолжазбалар, қайталанбас құжаттар мен суреттер, экспонаттар қойылған.

Облыстық "Халифа Алтай" мешіті мен этнографиялық музей ұсынған қазақ, орыс, араб және француз тілдеріндегі Құран аудармаларын, Салуат мас ' Уди Турки Ислам ұстанымдарының кітабын, 19 ғасырдың басындағы фикх туралы ең танымал "Шарх ул уйкоя" кітабын, 18 ғасырдың ислам бойынша дәріс жинағын, "Даляиль Аль-Хайрат" кітабын, Қожа Ахмет Яссауи "Диуани Хикмет" кітабын, Британдық "Оғызнама" және "Жамиғ ат – әл-Хайрат" музейінен алынған кітаптардың көшірмелерін атауға болады. Ислам әлемінің белгілі ғалымы, Құранның қазақ тіліне аудармашысы Халифа Алтайдың жеке заттары мен қолжазбалары да бар.

Шара соңында Әсем Нүсіпова мемлекеттік қызметкерлерге және діни бірлестіктердің басшыларына этносаралық және конфессияаралық тұрақтылықты сақтауға, халықтың діни сауаттылығын арттыруға қосқан үлесі үшін "Шығыс Қазақстан облысының грамоталары" мен естелік сыйлықтарын табыс етті.