Өңірде 17 тұқым шаруашылығы бар. Оның алтауы элиталық тұқым болып саналады, деп хабарлайды Buqara.kz сайтының тілшісі.
 
Тұқым шаруашылығы - бұл өнімділік пен тазалық сияқты қасиеттерді сақтай отырып, тұқым өндірумен айналысатын өнеркәсіптік ауқымда ауыл шаруашылығында бөлінетін сала. Мемлекет басшысының Жол картасына 2024-2028 жылдарға сәйкес биыл ауыл шаруашылығы дақылдарының элиталық тұқымдарының үлесін 12,9% - ға дейін ұлғайту жоспарланған. Анықталғандай, облыста 17 тұқым шаруашылығы бар. Оның алтауы элиталық тұқым болып саналады: «Шығыс Қазақстан ауыл шаруашылығы Тәжірибелік станциясы» ЖШС, «Опытное хозяйство масличных культур» ЖШС, «Семена масличных» ЖШС, «КХ Багратион ВВГ» ЖШС, «Милейко» ЖШС, «Быструха-Астана» ЖШС. Сондай-ақ үшеуі оригинатор мәртебесіне ие: «Шығыс Қазақстан ауылшаруашылық тәжірибе станциясы» ЖШС, «Опытное хозяйство масличных культур» ЖШС, «Семена масличных» ЖШС.
Облыстың тұқым өсіру шаруашылықтары жыл сайын 20 мың тонна тұқым өндіреді.
Аймақта отандық тұқым өндіру бойынша озық кәсіпорындар «Шығыс Қазақстан ауыл шаруашылығы Тәжірибелік станциясы» ЖШС және «Опытное хозяйство масличных культур» ЖШС.
Облыстың соңғы жылдардағы селекциялық жетістіктері «Нарым», «Бәйтерек С», «Алтын 7», соя – «Отан плюс» күнбағыс сорттары болып саналса, жаздық бидай бойынша -  «Нұр плюс», «Бірлік КВ» және «Өскемен».
Сонымен қатар, өнімділігі 35 ц/га дейін «Патриот» сортының күнбағыс, өнімділігі 30-35 ц/га дейін «Достық» сортын, өнімділігі 70 ц/га дейін «Нұр-38» сортының күздік жұмсақ бидайын және т. б. өндіруде селекциялық жетістіктерге қол жеткізілді.
Отандық тұқымдарды өндіру және сату бойынша толық ақпарат алу үшін ШҚО ауыл шаруашылығы басқармасына хабарласа аласыз. Ол Өскемен қаласы, Головкого көшесі 38/40 орналасқан.