Шығыс Қазақстандағы Серебрянск балалар үйінде болған демеушілер 151 балаға спорттық киімдер, ойыншықтар және теледидар табыстады, деп хабарлайды Бұқара.кз сайтының тілшісі.

Қайырымдылық шарасы аталмыш балалар үйінің түлегі, қазірде ҚР Ішкі істер министрлігінің қызметкері Марина Жанырбаеваның бастамасымен өткен. 

– Менің бұл шараны қолға алғаныма бір жылдан асты. Бастапқыда «Нұр Отан» партиясы, кейін Алматы, Астана қалаларының әкімдіктері, енді міне ШҚО әкімдігі қолдап отыр. Менің ойымша, әрбір азамат туып-өскен мекеніне келіп, оның дамуына үлес қосуы қажет. 15 жыл бұрын балалар үйінен түлеп ұшсам да, сол мекемеге қол ұшын беруді өзімнің міндетім деп санаймын, – деді Марина Жанырбаева.

Қайырымдылық шарасын қолдаған демеушілер 151 балаға спорттық киімдер, жабдықтар, ойыншықтар және теледидар сыйлады