Глубокое ауданындағы Белоусовка кентінде тұрмыстық өрт шықты, деп хабарлайды Buqara.kz сайтының тілшісі.

Төтенше жағдайлар департаментінің мәліметінше, бір қабатты барақ үйдегі пәтер қызыл жалынға оранған.

Өрт 20 шаршы метрді құрады. Өрт сөндірушілер тілсіз жаудың басқа пәтерлерге таралмауының алдын алды.

ТЖД хабарлауынша, оқиғаға пешті пайдалану кезінде өрт қауіпсіздігі талаптарын сақтамау себеп болған.

Куәгерлердің айтуынша, өрттен ер адам зардап шеккен. Бұл ақпаратты ШҚО денсаулық сақтау басқармасы растады.

— Ер адамның беті бірінші дәрежелі термиялық күйік алған. Ол ауруханаға жатудан бас тартты, деп түсіндірді департаменттің баспасөз қызметі.

Қымбат МУХАМАДИЕВА