Бүгін еліміздің солтүстігінде, шығысында, оңтүстік-шығысында және орталығында атмосфералық фронттардың әсерінен тұрақсыз ауа райы сақталады, деп хабарлайды Buqara.kz сайтының тілшісі «Қазгидрометке» сілтеме жасап.
Қостанай облысының солтүстік жартысында найзағай, бұршақ, дауыл күтіледі.
Ақмола облысының солтүстігінде, батысында, шығысында найзағай ойнап, бұршақ, дауыл күтіледі, желдің күші - 15-20, күндіз екпіні 23 м/с жетеді деп болжануда.
Күндіз Павлодар облысының басым бөлігінде найзағай, бұршақ, дауыл болады, облыстың батысында, оңтүстігінде, орталығында жел 15-20 м/с дейін күшеюі ықтимал.
Синоптиктер болжамынша, Шығыс Қазақстан облысының солтүстігінде, шығысында найзағай ойнап, бұршақ жауып, дауыл тұрады.