«Қазгидромет» ШҚ филиалының ақпаратына сүйенсек, 3 шілдеде түнде облыстың солтүстігінде, шығысы мен оңтүстігінде, ал күндіз солтүстігі мен шығысында жаңбыр мен найзағай күтіледі, деп хабарлайды Buqara.kz сайтының тілшісі. 

Өңрідің солтүстігі мен шығысында бұршақ жауып, дауыл болуы мүмкін. Оңтүстік-батыстан екпіні 15-20 м/с жел соғады. Облыстың солтүстік-батысында жоғары өрт қауіпі сақталады. 

Облыс орталығында да найзағай күтіледі. Оңтүстік-батыстан екпіні 15-20 м/с жететін жел соғады. Жоғары өрт қауіпі де сақталады.

Осы тұста ШҚО ТЖД мамандары тұрғындарға сақтық шараларын сақтауға кеңес береді: 
- найзағайды үйде күткен жөн, бұл ретте есік пен терезені жауып ,электр құрылғыларын қуат көздерінен ажыратыңыз және пайдаланбаңыз;
- металл қоршаулардың немесе басқа электр өткізгіштердің жанында тұрмаңыз;
- желдің екпіні кезінде сымдар мен тербелетін заттарға жақындамаңыз, автобус аялдамаларының артында, ағаштардың астында тұрмаңыз;
- өрт қауіптілігі жоғары кезде табиғат аясында және  үй маңында от жағуға болмайды;
- отпен абай болыңыз.

Төтенше жағдай кезінде "112" нөміріне хабарласыңыз.