Аталған шара Қазақстан Республика Президентінің 2011 жылғы 20 қазандағы Жарлығына сәйкес жыл сайын қазан айының соңғы жексенбісінде әлеуметтік қорғау жүйесі қызметкерлерінің күніне орай қолға алынды, деп хабарлайды Buqara.kz сайтының тілшісі.

Аталмыш мереке қарсаңында облыс орталығында халықты әлеуметтік қорғау саласының үздік қызметкерлеріне марапаттау салтанатты іс-шарасы өтті.

Қазіргі таңда облыста әлеуметтік қорғау жүйесінде 3 мыңнан астам қызметкер жұмыс жасайды, оның 700 – ден астамы - әлеуметтік қызметкерлер болып табылады. Олар аз қамтылған азаматтарға, мүгедектігі бар адамдарға, жалғызбасты зейнеткерлерге және халықтың басқа да әлеуметтік осал топтарына жан-жақты қажетті көмек көрсетеді. Осылайша, үйде күтім көрсету жағдайындағы қызмет көрсетумен 5073 мүгедектігі бар адам (оның ішінде 462 бала) және қарттар қамтылуда. Мемлекеттік әлеуметтік тапсырыспен 504 адам қамтылды (оның ішінде 103 мүгедек балалар). Медициналық-әлеуметтік мекемелерде күн сайын жан-жақты көмек көрсетілетін 2 мыңнан астам адам тұрады.

Жыл сайын Грехово кентінің оңалту орталығында 1 мыңнан астам адам кешенді қолдау мен оңалтудан ұйымдастырылады.

Ұлы Отан соғысының қатысушылары, еңбек ардагерлері, жасына байланысты зейнеткерлер, Батыр аналар мен зейнеткер жасындағы "Алтын алқа", "Күміс алқа" алқаларымен марапатталған аналар, ерекше қажеттіліктері бар адамдар, Чернобыль атом электр станциясындағы апаттың салдарын жоюға қатысушылар, сонымен қатар интернационалист жауынгерлер арасынан 5 мыңнан астам адам санаторлы-курорттық ем алады.

Бұл мереке өзінің жанқиярлық еңбегімен және тынымсыз қамқорлығымен қарт адамдарға қызмет ететін, балалар мен мүгедектігі бар адамдарға, аз қамтылған және көп балалы отбасыларға баға жетпес көмек көрсететін барлық адамдарға шынайы құрмет көрсетудің айғағы болып саналады.