«Қазгидрометтің» ақпаратынша, 14 тамыз күні өңірде 35 градус қатты ыстық күтіледі, деп хабарлайды Buqara.kz сайтының тілшісі. 
Облыстың орталығында жоғары өрт қаупі, ал оңтүстігінде төтенше өрт қаупі сақталады.
Осы тұста ШҚО ТЖД мамандары тұрғындарға тәуліктің ең ыстық уақытында көшеге шықпауға кеңес берді. 
- Тек рұқсат етілген жерде, абаттандырылған жағажайларда шомылуға рұқсат етілген. Балаларды қараусыз қалдырмаңыз.  Сондай-ақ өрттің алдын алу мақсатында орманға баруды шектеңіз. Шөпті өртеп, от жағуға болмайды. Балаларға отпен ойнаудың қауіпті екендігін түсіндіріңіз. Көлік терезесінен сөндірілмеген темекі тұқылын, әйнекті тастамаңыз, -дейді мамандар. 
Төтенше жағдай кезінде «101» және «112» телефон нөмірлеріне хабарласыңыздар.