Төтенше жағдайлар департаментінің ақпараты бойынша, ауа райының қолайсыздығына байланысты Семей қаласының маңындағы бірнеше көлік жолдары жабылды, деп хабарлайды Buqara.kz тілшісі.

«Казгидромет» РМК 4-6 ақпан аралығындағы ауа райы болжамын жариялады.

- Қазақстанның Солтүстік, Орталық және Шығыс облыстарында қалың қар, бұрқасын жел мен көктайғақ болады, деп хабарлайды «Казгидромет» РМК.

ШҚО ТЖД ақпаратына сәйкес, ауа райының қолайсыздығынан 3 ақпан күні сағат 14.30-дан бастап облыстық маңызы бар Бородулиха-Жезкент, Шар-Бақыршық жолдары көліктің барлық түрлері үшін жабылған.