Жауапты тұлғалардың сөзінше, қазір бұл салада маман тапшылығы байқалады, деп хабарлайды Buqara.kz сайтының тілшісі. 

Облыстық Табиғи ресурстар және табиғат пайдалануды реттеу басқармасының басшысы Мұрат Құсайыновтың айтуынша, қоршаған ортаға залал келтіргендер жазасыз қалып жатқан жоқ. Осындай бұзушылықтардың жиілеуіне орман күзетінің жеткіліксіздігі мен тиісті көліктердің аздығы да себепші болған. Бүгінде 13 орман шаруашылығында 747 орманшы бар. 
- Қолда бар дерекке сүйенсек, бір орманшы 2,9 мың гектар жерді тексеріп шығуы тиіс. Бұл оңай іс емес. Кейбір жерлер таулы, жоталы келеді, - деді ол.
Облыс әкімі Ермек Көшербаев егер орман шаруашылықтарында тиісті көліктер жетіспесе, облыстық  Төтенше жағдай департаменті қолғабыс етуі керек екенін жеткізді.