Қазгидромет мәліметінше, ел бойынша бүгін жел күшейіп, тұман түседі, көктайғақ болып, солтүстік жартысында бұрқасын соғады, деп хабарлайды Buqara.kz сайтының тілшісі «Қазгидрометке» сілтеме жасап.

Қостанай облысында желдің күші - 15-20 м/с, батыста, солтүстікте екпіні - 25 м/с жетеді, батыста, солтүстікте - жаяу бұрқасын, көктайғақ, облыстың шығысында – тұман түседі деп болжануда.

Күндіз Солтүстік Қазақстан облысының батысында жаяу бұрқасын, екпіні 15-20 м/с жел, түнде және таңертең облыстың шығысында тұман.

Павлодар облысында жолдарда көктайғақ болып, облыстың солтүстігінде тұман түседі.

Синоптиктер болжамынша, Шығыс Қазақстан облысының солтүстігінде, шығысында – бұрқасын, жолдарда көктайғақ түсіп, батысында секундына 15-20 метр жылдамдықпен жел тұрады.