Халыққа қызмет көрсету орталығы мамандарының сөзіне сүйенсек, бүгінде құжаттың заңды маңыздылығын растау үшін оған апостиль қою қажет, деп хабарлайды Buqara.kz сайтының тілшісі.
Сот құжаттарында апостильдің болуы оның Гаага конвенциясына қатысушы елдердің ресми мекемелерінде жарамдылығын растайды.
Сот органдарынан шығатын ресми құжаттарға апостильді ҚР Жоғарғы сотының аппараты, облыстардағы, Нұр-Сұлтан, Алматы және Шымкент қалаларындағы аймақтық органдар қоя алады.
Заңды және жеке тұлғалар бұл қызметті алу үшін egov.kz порталын қолдана алады:
- Порталда авторизациядан өтіп, қызметке онлайн тапсырыс беріңіз
- Электронды өтінішті толтырыңыз
- Әр апостильденетін құжатқа 0,5 АЕК көлемінде баж төлеңіз
- Апостильденуі қажет құжаттың скан-көшірмесін жүктеңіз
- ЭЦҚ-мен қол қойғаннан кейін жауап бір күн ішінде келеді
Жеке кабинетіңізге оң жауап келген жағдайда, сот органдарына апостильді бірден қойғызуға жүгіне аласыз.
