ЖКО оқиғасы бойынша "Көлік құралдарын басқару құқығынан айырылған, алкогольдік масаң күйдегі адамның көлік құралын басқаруы" бабымен сотқа дейінгі тергеу жүргізілуде, деп хабарлайды Buqara.kz сайтының тілшісі.

Жол-көлік оқиғасы 6 қараша күні Күршім ауылында сағат түнгі 22.00 шамасында болған.

- 27 жастағы жүргізуші ВАЗ 21110 автокөлігімен көше бойында келе жатып рөлді басқара алмай, электр бағанасына соғылған. Оқиға барысында ер адам мас күйінде болған, келтірілген шығын мөлшері анықталып, Қылмыстық Кодекстің 346-бабына сәйкес сотқа дейінгі тергеу амалдары жүргізілуде - деп хабарлайды ШҚО ІІД баспасөз қызметі.

Сонымен қатар жол-көлік оқиғасына кінәлі адам бұған дейін де көлік жүргізу құқығынан айырылған болып шықты.