«Қазгидромет» ШҚО филиалының ақпаратынша, 6 шілдеде күндіз облыстың солтүстігінде, шығысы мен оңтүстігінде қатты жаңбыр күтіледі, деп хабарлайды Buqara.kz сайтының тілшісі.

Облыстың батысында, солтүстігі мен шығысында найзағай, солтүстігінде, шығысы мен оңтүстігінде бұршақ, дауыл болуы ықтимал. Оңтүстік-шығыстан соғатын жел солтүстік-шығысқа ойысады, аймақтың солтүстігінде, шығысы мен оңтүстігінде 15-20 м/с жел соғады.
Өскеменде де найзағай мен бұршақ күтіледі. Оңтүстік-шығыстан соғатын жел солтүстік-шығысқа ауысады, күндіз екпіні 15-18 м/с жел болуы мүмкін.
ТЖД мамандары төтенше жағдай кезінде "112" телефон нөміріне хабарласу керегін ескертеді.