«Казгидромет» ШҚ филиалының ақпараты бойынша 21-шілдеде облыстың батысында, солтүстігінде, шығысында қатты жаңбыр, күндіз бұршақ, дауыл, найзағай күтіледі, деп хабарлайды Buqara.kz сайтының тілшісі.

Оңтүстік-шығыстан соғатын жел солтүстік-батысқа ауысады, облыстың солтүстігінде, шығысында және оңтүстігінде екпіні 23 м/с жететін жел соғуы мүмкін. Ал Өскеменде күндіз найзағай күтіледі. Қалада оңтүстік-шығыстан соғатын жел солтүстік-батысқа ауысады, желдің екпіні күндіз 15-18 м/с құрайды.

Облыстың оңтүстік-шығысында жоғары өрт қауіпі сақталады.

Мамандар төтенше жағдай кезінде "112" телефон нөміріне хабарласуды еске салады.