Глубокое ауданында саяжай үйлерінің бірінің шатырына жай түсіп, төбесі өртеніп кетті. Оқиға Кожохово ауылында орын алған, деп хабарлайды Бұқара.кз сайтының тілшісі.

Куәгерлердің сөзінше, найзағай кенеттен саяжай шатырына түскен. Абырой болғанда, үйде  адамдар жоқ болған.

– Мансарда типтегі үй төбесі тез тұтанатын материалдардан жасалған. Бұл жалынның пайда болып күшеюіне әкелді. Басты мақсат – өрттің өзге үйлерге көшіп кетпеуі еді. Жалын ошағын өшіріп үлгергенмен, саяжайдың төбесі толығымен жанып кетті, – деді №23 өрт сөндіру бөлімі бастығының орынбасары Аслан Ибраев.
Алдын ала болжам бойынша от жайдың әсерінен шыққан. Шығын көлемі анықталуда.