ҚР Ішкі істер министрінің 2022 жылғы 18 ақпандағы бұйрығымен ШҚО ПД бастығының бірінші орынбасары лауазымына полиция подполковнигі Елдос Дәулетқазыұлы Закимов тағайындалды, деп хабарлайды Buqara.kz сайтының тілшісі.

Елдос Дәулетқазыұлы осыған дейін ПД бастығының орынбасары қызметін атқарған. Полиция департаменті бастығының бірінші орынбасарын бүгін ШҚО ПД бастығы полиция полковнигі Серік Жүнісбеков таныстырды.

Закимов Елдос Даулетқазыұлы құқық қорғау органдарында 2002 жылдан бері қызмет атқарады. Абай ауданының тумасы. ҚР ІІМ академиясын, 2008 жылы магистратураны бітірген.

- Қызмет жолын Жарма ауданы ПБ тергеу бөлімшесінің тергеушісі лауазымынан бастаған. Қызмет еткен жылдары әртүрлі басшылық лауазымдарда, оның ішінде Шығыс Қазақстан облысы ІІД Семей қаласы ІІБ тергеу бөлімінің бастығы, Шығыс Қазақстан облысы ІІД Тергеу басқармасы бастығының орынбасары және бастығы болды. 2018 жылы Шығыс Қазақстан облысы Полиция департаменті бастығының орынбасары болып тағайындалды, – делінген мәліметте.

Полиция департаментінің бастығы Серік Жүнісбеков Елдос Дәулетқазыұлын жеке құрамға таныстыра отырып, өзінің бірінші орынбасарына бірқатар міндеттер қойды.