3 маусымда «Жер-2024» республикалық командалық-штабтық оқу-жаттығулары аясында сағат 10:00-де Шығыс Қазақстанда радио-телеарналар арқылы электр сиреналары, сирена-дыбыс құрылғылары іске қосылады, деп хабарлайды Buqara.kz сайтының тілшісі.

Электр сиреналарының іске қосылуы «Барлығыңыздың назарына!» белгілісін білдіреді. Егер сіз жұмыста, қоғамдық орында немесе көшеде сирена дыбысын естісеңіз, бірден радионы қосу керек (ұялы телефонды пайдалануға болады). Ал дабылды үйде естігенде теледидарды дереу қосып, әрі қарайғы әрекеттер туралы мұқият тыңдау қажет. Сондай-ақ ресми ақпарат Darmen мобильді қосымшасында және ШҚО ТЖД-нің Instagram желісіндегі ресми парақшасында орналастырылады.