Өткен жұмада Убинка өзенінде екі жасар бала суға кетіп қайтыс болды. Арада бір күн өткеннен кейін жеті жасар қыз бактағы суға тұншығып көз жұмған. Істің мән-жайын құқық қорғаушылар анықтауда, деп хабарлайды Бұқара.кз сайтының тілшісі YK-news.kz сайтына сілтеме жасап.

Бірінші жағдай 9 мамыр күні Шемонаиха ауданы Верх-Уба ауылында орын алған.

– Алдын ала берілген мәлімет бойынша, бала ата-анасымен өзен жағасында жүрген. Бәлкім, ата-анасы байқамай қалса керек. Сүңгуірлер баланың мәйітін сол күні тауып алды, деп хабарлайды ШҚО судан құтқару қызметінде.

Екінші жағдай Глубокое ауданының Опытное поле ауылында тіркелді.

– Саяжайлық аумақта 2009 жылғы қыз бала металдан жасалған бакқа түсіп кеткен. Саяжайда баланың атасы мен әжесі болған. Анасы жұмысқа кетіп қалған, – дейді аталған ведомствода.

Құтқарушылар су маусымы таяп қалған уақытта сақтық танытуды сұрайды.