Шығыс Қазақстан облысында Сыбайлас жемқорлыққа қарсы іс-қимыл агенттігі қоғамдық кеңесінің отырысы өтті. Оған аймақ басшысы Ермек Көшербаев қатысты, деп хабарлайды Бұқара.кз сайтының тілшісі.

- ҚР Сыбайлас жемқорлыққа қарсы іс-қимыл агенттігі қоғамдық кеңесінің отырысына қатыстым. Өскеменге Агенттік бөлімшелерінің өкілдері келіп, сындарлы түрде бірқатар өзекті мәселелерді талқылады. Атап айтқанда, біз сыбайлас жемқорлық тәуекелдерінің алдын алу бойынша өңірлік жол картасы аясында тәжірибемізбен бөлістік. Осылайша, халық пен кәсіпорындарды көмірмен қамтамасыз етудегі сыбайлас жемқорлық құрамдас бөлігі жойылды - екі қосымша тұйық ашылды, бес мың тонна қатты отын қоры бар. Жанармай саудасында да еш мәселе жоқ, - дейді Ермек Көшербаев.

Оның айтуынша, өңірдің әлеуметтік нысандарында 100% антрацит қоры бар. Сонымен қатар, екі ірі нысанды республикалық меншікке беруге қол жеткізілді, осылайша олардың ұзақ құрылысқа айналуына жол берілмеді.

- Бұл Өскемендегі гематология орталығы мен Бұқтырма су қоймасы арқылы өтетін көпір. Бұл жобалардың құны өте жоғары, енді олар республикалық бюджеттен қаржыландырылатын болады. Сондай-ақ, Риддер ЖЭО-ны жөндеуге қаражаттың мақсатты пайдаланылуын бақылау үшін біз арнайы кеңес құрдық, бұл да сыбайлас жемқорлық тәуекелдерін болдырмауға көмектесті. Әрине, жер қойнауын пайдалану және бағалы металдарды өндіру бойынша мәселелер әлі де бар, бұл мәселеде ҚР Антикор бізді жер қойнауын пайдаланушыларға заңнамалық жағынан бақылау қажет екенін қолдады, - дейді облыс әкімі.