Бүгін еліміздің бірқатар аумағында желдің күшеюі және көктайғақ сақталады. Республика бойынша кей жерлерде тұман күтіледі, деп хабарлайды Buqara.kz сайтының тілшісі «Қазгидрометке» сілтеме жасап.
Шығыс Қазақстан облысының оңтүстігінде, солтүстік-шығысында тұман күтіледі, күндіз облыстың оңтүстік-батысында жел екпіні 15-20 м/с күшейеді деп болжануда.
Ақмола облысының батысында, солтүстігінде, Алматы облысының солтүстігі мен таулы аудандарында, Қостанай облысының солтүстігі мен оңтүстігінде, Солтүстік Қазақстан облысының солтүстігінде тұман түсуі ықтимал.
