Бүгін республиканың кей аумағында көктайғақ болып, тұман түседі. Еліміздің батысында, солтүстік-батысында және оңтүстік-шығысында жел күшейеді, деп хабарлайды Buqara.kz сайтының тілшісі «Қазгидрометке» сілтеме жасап.

Синоптиктер болжамынша, Ақмола облысының солтүстігінде, шығысында, Түркістан облысының оңтүстігінде, батысында, таулы және тау бөктерлі аудандарында көктайғақ болады.

Шығыс Қазақстан, Павлодар облысының батысында, солтүстігінде, Қарағанды облысының солтүстігінде, шығысында, Қызылорда облысының солтүстігінде және орталығында тұман түсуі ықтимал.