Волейболдан қыздар арасындағы Азия Чемпионаты Шырайлы шығыстың бас шаһарында өтпек. Бұл сайыста Қазақстан құрамасынан бөлек 8 мемлекеттің командасы бақ сынасатын болады, деп хабарлайды Buqara.kz сайтының тілшісі.

ШҚО ақпараттық орталығының хабарлауынша, сайыс биыл Өскемен қаласында мамыр айының 25-31 аралығында өтеді. Сайыста Қазақстан, Жапония, Вьетнам, Қытайлық Тайбэй, Иран, Филиппин және Тайланд волейбол командалары тартысқа түседі. Естеріңізге сала кетсек, өткен жылы Азияның чемпионы атағын япониялық «НЕК РедРокетс» командасы жеңіп алған. Алайда биыл Японияның намысын басқа клуб қорғайтын болады. Ал еліміздің атынан екі жыл қатарынан республиблика жеңімпазы болған «Алтай» волейбол клубы өнер көрсетпек. Жүйріктер жарысы Бориса Александров атындағы Спорт сарайында ұйымдастырылады.

Командалар сайысты топтық кезеңнен бастамақ:

А тобы

1. «Алтай» (Қазақстан)
2. «Супреме» ВК (Таиланд)
3. «Сармайе Банк» (Иран)
4. «Тайвань Пауэр» (Кытайлық Тайбэй)

Б тобы

1. «Хисамицу Сеяку Спрингс» (Жапония)
2. «Тяньцзинь Бохай Банк» (Қытай)
3. «Вьетин Банк Клуб» (Вьетнам)
4. «Филиппин Супер Лига» (Филиппины).

Талғатжан МҰХАМАДИЕВ