Республиканың басым бөлігінде құбылмалы ауа райы сақталып, елдің солтүстігі мен орталығында қар аралас жаңбыр күтіледі, деп хабарлайды Buqara.kz сайтының тілшісі Қазгидрометке сілтеме жасап.

Қостанай облысында жел 15-23 м/с артып, облыстың оңтүстігінде найзағай, түнде және таңертең облыстың солтүстігінде тұман түсіп, көктайғақ болжанады. Ақмола облысының солтүстік-шығысында желдің күші 15-23 м/с жетеді.

Түнде және таңертең Ақтөбе облысының батысында және солтүстігінде тұман күтіледі.

Синоптиктер Алматы облысының солтүстігінде жел 15-20 м/с артып, шаңды дауыл тұрады деп болжауда.

Шығыс Қазақстан облысының батысында, солтүстігінде , солтүстік-шығысында желдің жылдамдығы 15-20 м/с жетеді.