Атмосфералық фронталды бөліктердің әсерінен еліміздің басым бөлігінде әлі де тұрақсыз ауа райы сақталады деп хабарлайды Buqara.kz сайтының тілшісі Қазгидрометке сілтеме жасап.

Республиканың кей жерлерінде тұман түсіп, көктайғақ күтіледі.

Павлодар облысының солтүстігінде тұман түсіп, көктайғақ болып, солтүстік-батысында желдің 18 м/с күшеюі ықтимал.

Қарағанды облысының солтүстігінде, шығысында көктайғақ, жаяу бұрқасын, оңтүстігінде тұман күтіледі.

Синоптиктер ШҚО-ның солтүстігінде тұман түсіп, жаяу бұрқасын соғып, кей аудандарында жел екпіні 15-20 м/с-қа жетеді деп болжауда.