2020 жылдан бастап сыбайлас жемқорлық фактілері туралы хабарлаған азаматтарды көтермелеудің жаңа сараланған жүйесі енгізілді, деп хабарлайды Buqara.kz ссайтының тілшісі.
Қазіргі уақытта сыбайлас жемқорлық құқық бұзушылық туралы хабарлағаны үшін пара немесе келтірілген залал сомасы 1000 АЕК-тен аспайды, қылмыстың ауырлығына байланысты сыйақы 30-дан 100 АЕК-ке дейін құрайды.
Сыбайлас жемқорлық фактісі туралы 1000 АЕК-тен астам залал келтіргені үшін сыйақы 10 пайызды құрайды, бірақ 4000 АЕК-тен аспайды. Мысалы, егер пара немесе келтірілген залал мөлшері 50 млн теңге болса, онда сыбайлас жемқорлық фактісі туралы хабарлаған адам сот үкімінен кейін 5 млн теңге алады.
Жыл басынан бері өңірде сыбайлас жемқорлық фактілері туралы облыстық сыбайлас жемқорлыққа қарсы қызметіне хабарлаған 6 азамат 4,5 млн.теңгеден астам сомаға көтермеленді.
Бұл ретте ағымдағы жылы сыйақының ең жоғары мөлшері 4 млн.теңгені, ең төмен – 138 900 теңгені құрады.
 - Сыбайлас жемқорлық фактілері туралы хабарлаған, сондай-ақ оған өзге де жолмен жәрдемдесетін адамдарды көтермелеу сыбайлас жемқорлыққа қарсы іс-қимыл бойынша пәрменді тетік болып табылатынын атап өту қажет. Сыбайлас жемқорлық фактісі туралы хабарлаған адамдарды қорғау "сыбайлас жемқорлыққа қарсы іс-қимыл туралы" Қазақстан Республикасы Заңының нормаларына сәйкес жүзеге асырылады, бұл ретте мұндай жағдайлар туралы хабарлаған адам ақшалай қаражатпен көтермеленіп қана қоймай, мемлекеттің қорғауында болады. Мұндай адам туралы ақпарат мемлекеттік құпия болып саналады, - дейді мамандар.
 - Шығысқазақстандықтарды, өңір тұрғындарын белсенді азаматтық ұстаным танытуға және сыбайлас жемқорлық фактілері байқалса Call-орталыққа 1424 нөмірі бойынша немесе ШҚО сыбайлас жемқорлыққа қарсы қызметінің кезекші бөліміне 8 (7232) 29-88-88 нөмірі бойынша хабарласуға шақырамыз, - делінген мәліметте.