Д.Серікбаев атындағы Шығыс Қазақстан техникалық университеті БАҚ өкілдеріне ғылыми-зерттеу зертханалары мен құзырет орталықтарында баспасөз-турын өткізді.

Журналистерге жоғары оқу орнының жаңа технологиялық жетістіктері, орталықтар мен зертханалар, студенттердің сапалы білім алуына жайлы жағдайлар жасалған аудиториялар таныстырылды.Техникалық кәсіптік білім беретін университет соңғы жылдары айтарлықтай жетістіктерге жетті. Семей медициналық университетімен ынтымақтастық аясында адамның иық сүйектерін байланыстыратын медициналық импланттар әзірленуде. Адамның омыртқа элементтері титан ұнтақтарынан жасалады. Мұндай күрделі жұмыс университет қабырғасынағы құзыреттілік орталығы мамандарының жемісі.

"Veritas "орталығының материалдарын прототиптеу және өңдеу" ғылыми-өндірістік кешенінде БАҚ өкілдеріне осы материалдардың дайын үлгілері көрсетілді. Тілшілерге протездерді қолмен ұстап көруге мүмкіндік берілді.

Сәулет және дизайн мектебі көптің ерекше назарын аударды. Қонақтарға құрылыс барысында қолданылатын материалдардың беріктігін сынау процесі айқын көрсетілді.

Сонымен қатар қонақтарға Физика, автоматтандыру және мехатроника орталығы, виртуалды шындық, "VERITAS" орталығы, Геология және тау-кен цент орталықтарының жұмыстары таныстырылды. Барлығына виртуалды шындық әлеміне ену және VR көзілдірігімен цифрлық локацияларды көруге мүмкіндік жасалды. Баспасөз турының соңында "Алтын Алтай" университеттік мұражайы көрсетілді. Көрме залдарында ұсынылған алтын мен минералдар қонақтарға ерекше әсер қалтырды.

Анель АБЗАЛБЕКОВА