Естеріңізде болса, мамыр айының ортасынан бастап Көкпекті және Катонқарағай аудандарының арасын жалғайтын Бұқтырма суқоймасының Васильев өткеліндегі «Одесса» теплоходы жұмысының басталып кеткені жайында Buqara.kz сайты жазған болатын. Бұл жолы аталмыш ақпаратты тағы біраз деректермен толықтырып, жол мұратын мақсат еткен жолаушыларға ыңғайлы болуы үшін паром өткелінен өткізілетін техника мен жүкке төленетін төлемақы туралы айтып өтуді жөн көрдік.
Өздеріңізге белгілі, облыс орталығынан Өр Алтайда орналасқан Катонқарағай ауданына жетудің «Өскемен-Зырян-Рахман қайнарлары», «Өскемен-Васильев өткелі-Рахман қайнарлары» және «Өскемен-Самар-Күршім ауданы-Рахман қайнарлары» сияқты үш бағыты бар екені белгілі. Дегенмен, жер жәннатын бетке алған жолаушылардың көпшілігі жаз маусымында «Васильев» өткелі арқылы тартатын төте жолды «қысқа бағыт» деп таңдап жататыны да рас. Оның үстіне «Одесса» теплоходының Көкпекті мен Күршім аудандарының арасында қатынайтын «Күршім» және «Ертіс» паромдарынан бір ерекшелігі кейбір көлік құралдарына алынатын бағаның сәл арзан екендігі.
Қалай десек те, таңдау жолаушының өзінде. Бастысы діттеген жерге дер кезінде жетуі. Ал мамыр айының ортасында жұмысын бастайтын «Одесса» теплоходы көлік пен жүк тасымалдауды қара күзге дейін жалғастырады.
Біздің анықтама:
Қарт Ертісті есе жүзген «Одесса» теплоходы 1973 жылы жасалған. Жүк көтеру мөлшері 450 тоннаны құрайтын теплоходтың қозғалтқышында 450 аттың күші бар. Жылда жөндеу жұмыстары жүргізілетін теплоход биыл да кезекті жөндеуден өтіп жұмысына кірісіп кетті.
Сайт қонақтарының назарына «Одесса» теплоходының көлік құралдары мен әртүрлі техникаларды алып өту кезінде көрсетілетін қызмет бағасын ұсынамыз.
|
Жеңіл көліктер
(алып өту бағасы қозғалтқыш көлемі бойынша анықталады, см3) |
|
| Көлік құралының түрі | Алып өту бағасы (теңге) |
| Мотоциклдер | 500 |
| Қозғалтқыш көлемі 1400-ге дейінгі автокөліктер | 1000 |
| Қозғалтқыш көлемі 1400-ден 1800-ге дейінгі автокөліктер | 1100 |
| Қозғалтқыш көлемі 1800-ден 2200-ге дейінгі автокөліктер | 1300 |
| Қозғалтқыш көлемі 2200-ден 2700-ге дейінгі автокөліктер | 1500 |
| Қозғалтқыш көлемі 2700-ден 3500-ге дейінгі автокөліктер | 1800 |
| Қозғалтқыш көлемі 3500-ден 4000-ға дейінгі автокөліктер | 2200 |
| Қозғалтқыш көлемі 4000-нан 6000-ға дейінгі автокөліктер | 2500 |
| Жолаушы тасымалдайтын көліктер | |
| Сыйымдылығы 14 жолаушыға дейінгі шағын автобустар | 2500 |
| Сыйымдылығы 14 жолаушыдан асатын шағын автобустар | 3000 |
| «Паз» типтес көлік құралдары | 4500 |
|
Жүк көліктері
(алып өту бағасы жүк көтерімділігіне байланысты) |
|
| 1,5 тоннаға дейінгі автокөліктер | 2800 |
| 1,5-тен 3 тоннаға дейінгі автокөліктер | 3500 |
| 3-тен 5 тоннаға дейінгі автокөліктер | 4500 |
| 5-тен 8 тоннаға дейінгі автокөліктер | 7000 |
| 8-ден 10 тоннаға дейінгі автокөліктер | 9000 |
| 10-нан 15 тоннаға дейінгі автокөліктер | 11000 |
| 15-тен 20 тоннаға дейінгі автокөліктер | 12000 |
| 20 тоннадан асатын автокөліктер | 17000 |
| Ауылшаруашылығы техникалары | |
| «Беларусь» тракторы | 3500 |
| Тіркемесі бер «Беларусь» тракторы | 4000 |
| К-700 | 12000 |
| Тіркемесі бар К-700 | 20000 |
| Комбайн | 15000 |
«Одесса» теплоходының жұмыс кестесі
| Оң жақ жағалау | Сол жақ жағалау |
| Катонқарағай ауданы | Көкпекті ауданы |
| 7.30 | 8.00 |
| 9.00 | 10.00 |
| 11.00 | 12.00 |
| 13.00 | 14.00 |
| 15.00 | 16.00 |
| 17.00 | 18.00 |
| 19.00 | 20.00 |
| 21.00 | 22.00 |
Азамат ТЕМІРБЕКОВ
