Д.Серікбаев атындағы Шығыс Қазақстан техникалық университетіндегі ‘’Физика орталығы’’ 2021 жылы 18 наурыз күні ашылған.

Орталықты құрудың негізгі мақсаты - іргелі жаратылыстану-ғылыми және инженерлік даярлыққа негізделген оқытуды құру үшін және физика бойынша зертханалық практикумдарды ұйымдастыру. Оқу бағдарламасының жетекшісі Жеңісгүл Рахметуллина ‘’Физика орталығын’’ бізге таныстырып шықты.

- Бұл орталық студенттерге математика,физика білімдерін, базалық цифрлық жобалау дағдыларын меңгеру қабілетін қалыптастыруға мүмкіндік береді. Қазіргі таңда "Физика орталығын" 6 зертхана біріктіріп отыр. Соның бірі - ‘’Желілік инженерлік’’ мектебі. Бұл мектептің негізгі мақсаты - 9-11 сынып оқушыларына математика, физика, информатика бағытында тереңдетіп білім беру. Онымен қоймай, оларды зерттеушілік ақпаратпен қамтамасыз ету. Бұл мектеп аясында оқу тегін, - деді ол.

Осы мектеп 2022 жылдың 5 сәуірінде өз жұмысын бастаған. Оған университеттің серіктестері де қатысты.

- Қазіргі таңда осы жоба аясында ‘’Жас талап’’ олимпиадасы өтіп жатыр. Жобаға басқа облыстардан қызығушылық танытып жатқандар да бар.

Мөлдір ЖАРЫЛҒАПОВА