«Қазгидромет» РМК ұсынған мәліметте ел көлемінде қолайсыз метеорологиялық жағдай күтілетін сегіз қаланың тізімі берілді, деп хабарлайды Buqara.kz сайтының тілшісі.
Ресми ақпаратқа сүйенсек, Нұр-Сұлтан мен Алматыдан бөлек, Қарағанды, Павлодар (1-дәрежелі), Теміртау, Риддер (2-дәрежелі), Семей (2-дәрежелі) және Өскемен (2-дәрежелі) қалаларында күтіледі.
- Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы. Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал, - делінген мәліметте.