Д. Серікбаев атындағы ШҚТУ-да студенттер арасында ақшалай сертификаттар ойнатылды, деп хабарлайды Buqara.kz сайтының тілшісі.

Білім алушылар ұжымдық иммунитет құруға біркісідей атсалысып, ұтыс ойынына қатысуға ниет білдірген-тұғын. Шарт бойынша олар Covid -19-ға қарсы вакцинаның алғашқы компонентін алып, 15 шілдеге дейін процедураны растау туралы SMS-тің скриншотын арнайы поштаға жіберді.

- Шарттарды толықтай орындаған студенттер ұтыс ойынына қатысуға мүмкіндік алды. Ұтыс ойыны лотерея форматында өтті, оның әділдігін Өскемен қалалық жастар орталығының өкілі Бақытжан Ерболқызы бақылады, - делінген білім ошағының баспасөз қызметі ұсынған мәліметте.

Иеленген ақшалай сертификатты алу тәсілі де жеңіл. Ұтыс жеңімпаздары оны әлеуметтік-тәрбие жұмыстары және азаматтық даму басқармасынан ала алады. Ресми мәлімтке сәйкес 50 жеңімпаз 15 мың теңгелік сертификат алған.