Әлеуметтік медициналық сақтандыру қоры ШҚО филиалының директоры Нұрлан Қыдырбаев өңір халқын МӘМС жүйесіне тарту жөніндегі ведомствоаралық жұмыстың маңыздылығын атап өтті.

Облыстың БАҚ өкілдерімен кездесу барысында ол қазіргі уақытта халықты МӘМС жүйесімен қамту мәселесі өзекті екендігін басып айтты. Қазіргі уақытта аймқта МӘМС жүйесіне кірмеген 133 мыңнан астам адам бар.

«МӘМС жүйесіне кірмеген адамдарды сақтандыру үшін ауқымды шаралар атқарылуда. Осыған байланысты осы жылдың шілде айында МӘМС жүйесіне қатысудың баламалы тәсілін көздейтін "Міндетті әлеуметтік медициналық сақтандыру туралы" Заңға өзгерістер енгізілді». Жаңа механизм қыркүйектің 5-нен бастап іске қосылды», - деді Нұрлан Қыдырбаев.
 
Егер бұрын сақтандыру мәртебесін алу үшін өткен 12 ай үшін жарна төлеу қажет болды және осы кезеңде төлемдер  жасалмаса, берешек пайда болатын. Енді алдағы 12 ай үшін жарналарды төлеп, сақтандыру мәртебесін алуға болады. Бұл Медициналық сақтандыру есебінен жыл бойы медициналық көмекке қол жеткізуге мүмкіндік береді.  

«Алайда, бұл халықты МӘМС жүйесіне тарту үшін ведомствоаралық жұмыстың маңыздылығын атап өту қажет.   Ол жергілікті атқарушы органдармен, кіріс департаментімен, аудандық әкімдіктермен және Ішкі істер департаментімен, медициналық ұйымдармен бірлесіп өткізілуі керек. Медициналық сақтандыру жүйесінен тыс қалғандарды оған қатысушы болуға шақырамын. Сақтандырылған азаматтарға медициналық қызметтердің көлемі  мен құны шектелмейді. Мысалы, Медициналық сақтандыруға жылына 36 мың теңге шегінде ең төменгі аударымдарды төлейтін дербес төлеушілер медициналық көмектің кең спектріне қол жеткізе алады», - деді ол.