Астана қаласында «Астана жұлдыздары» атты республикалық дарынды балалар мен жасөспірімдер байқауы соңына жетті, деп хабарлайды Buqara.kz сайтының тілшісі.

Республикалық ән сайысын Қазақстан Республикасының еңбек сіңірген әртісі, «Құрмет», «Парасат» ордендерінің иегері Майра Ильясованың «Майра» продюсерлік орталығы ұйымдастырған. «Астана жұлдыздарына» елдің түкпір-түкпірінен өнерпаздар қатысып, әр түрлі номинация бойынша бақ сынасты.

Тарбағатай ауданы әкімігінің ақпаратына сәйкес, байқауға Тарбағатай ауданының Жәнтікей ауылынан 10-сынып оқушысы Назерке Серікбаева қатысқан. Жерлесіміз «эстрадалық вокал» номинациясы бойынша бас жүлдеге ие болды. Назерке Қаныш Сәтбаев атындағы орта мектебінің 10 сынып оқушысы. Келешекте қазақ эстрадасына танымал жұлдыз болуды армандайды.