Үржар ауданындағы «Бәтуа», «Ырғын» және «Мәнфағат» ЖШС-нен 60 мың га жер сот арқылы мемлекет меншігіне қайтарылды. Бұл туралы ШҚО жердің пайдаланылуы мен қорғалуын бақылау басқармасы басшысының міндетін атқарушы Мейірхан Әшімханов хабарлады.

– Жердің сырт жағын игеріп, ортасын игермеген. Аталған серіктестіктерден жерді мемлекет меншігіне қайтару бағытында сот үрдісі 2-3 жылға созылды. Ақыры, сот шешімі былтырғы жылдың тамыз айында шықты, – дейді Мейірхан Әшімханов.

Бұдан тыс Шығыс Қазақстанда өткен жылы жер заңнамасының бұзылуына байланысты сотқа 88 арыз жолданып, жер заңнамасын бұзушыларға 24, 1 млн. теңге көлемінде айыппұл салынған.

– Қазір уақытта екі арыз соттың қарауында. Бұл бағыттағы жұмыстар жалғасын табады, – дейді басқарма басшысының міндетін атқарушы.

Мейрамбек ҚОСАЖАН