Жерлесіміз Ерлан Серікжанов әлемдік рейтингтегі жағдайын біршама жақсартып алды, деп хабарлайды Buqara.kz сайтының тілшісі.

Тел-Авив татамиінде өткен аламан жерлесіміз үшін сәтті аяқталып, Серікжанов 66 келі дәрежесінде күміс жүлдеге қол жеткізген болатын. Содан кейін халықаралық дзюдо федерациясы ережесіне сай, 490 ұпай еншіледі. Бұл нәтиже үржарлық спортшыға рейтингте тоғызыншы сатыға көтерілуге мүмкіндік берді. Еншісінде 3829 ұпай. Тағы бір жерлесіміз Ерасыл Қажыбаев (+100 келі) 1423 ұпаймен 36-шы орынға жайғасты.

Әділхан ЕСІМХАНОВ