Қойшылардың жоғалғаны туралы ақпарат қараша айының 4-і күні түскен, деп хабарлайды Buqara.kz сайтының тілшісі.
Белгілі болғандай, қараша айының 4-і күні Төтенше жағдайлар қызметіне түскі сағат 14:00 кезінде бір отар қой бағып жүрген үш шопанның адасып кеткені жайлы ақпар түскен.
- Олар қыстаудан таңертең ерте шығып, сол беті оралмаған, - делінген мәліметте.
Оқиға орнына келіп жеткен құтқарушылар алдымен бір отар қой бағып жүрген шопандардың біреуін, бірнеше сағаттан соң тағы екеуін тапқан. Сөйтіп оларды дереу таяу маңдағы қыстауға жеткізді. Төтенше жағдайлар департаментіндегілер ешбірінің медициналық көмекті қажет етпегендерін атап өтті.