Күршім ауданына жаңа әкім тағайындалды. Аймақ басшысы Даниал Ахметовтың шешімімен бұл қызметке Дулат Қажанов келді.

Дулат Қажанов 1984 жылы Зайсан қаласында туған. 2007 жылы С.Аманжолов атындағы ШҚМУ-да «Мемлекеттік және жергілікті басқару менеджері» мамандығын аяқтап, 2011 жылы «Экономика» мамандығына оқуға түседі.

2007-2008 жылдары аралығында Кәсіпкерлік және өнеркәсіп департаментінің кәсіпкерлікті дамыту жөніндегі мемлекеттік саясатты іске асыру Шығыс Қазақстан облысы департаментінің жетекші маманы, 2009 жылы Шығыс Қазақстан облысы әкімінің аппаратының ұйымдастыру-инспекторлық бөлімінің агроөнеркәсіптік және өндірістік кешенінің талдау секторының бас маманы, 2010-2013 жылдары Шығыс Қазақстан облысы әкімінің көмекшісі лауазымдарын атқарған. Күршім ауданының әкімі атанбас бұрын Ұлан ауданы әкімінің орынбасары болып істеген.