Жыл сайын Жарма ауданына қарасты Шалабай ауылында дүниеден өткен ауылдастарды, спортшыларды еске алуға арналған спорт турнирі өткізіледі, деп хабарлайды Buqara.kz сайтының тілшісі.

Ұйымдастырушылардың айтуынша, биыл 8-ші рет қолға алынған жарысқа көршілес Әуезов кентінің спортшлары қатысқан.

- Жарыс спорттың үш түрінен – волейбол, шағын футбол және үстел теннисі бойынша өткізілді. Тартысты өткен турнирде бес команда бақ сынап, қорытындысында Бақыршық орта мектебінің командасы топ жарды. Екінші орынға – Крупская атындағы орта мектебінің ұжымы жайғасса, жүлдегерлер үштігін Шалабай ауылының жастары түйіндеді, - делінген мәліметте.

Жеңімпаздар мен жүлдегерлерге мадақтама қағаздары мен сыйлықтар табыс етілді.